Pangarap

Sa liriko ng kanta

na aking napakinggan,

"Pangarap ka nalang ba,

o magiging katotohanan pa?"

Ako'y nagtatanong

kung bakit nagkaganon.

Ang pangarap na dati'y inaasam,

nakamtan nang hindi inaasahan.

Mga palad ay nagtagpo,

mga labi ay nagdikit

sa isang iglap ng aking pagpikit,

sinabi mong pangarap ako sa iyong paningin.

Ang aking pangarap,

ako rin pala ay pinapangarap.

Sa ating paghaharap,

bawat sandali ay nilalasap.

Pag-ibig na hinahanap,

sa isat-isa'y nahanap.

Ngunit tila ang pangarap ay gumuguho

sa mga sandaling tayo ay nagtatalo.

Ang mga pusong noo'y nagdikit

ngayon humihina ang kapit.

Tanong ko'y paanong nagkaganon,

bawat saglit ay tila nanghahamon

at ang panahon ay tila nanglalamon

sa matinding alon ay ayaw magpaahon.

Tila ba ang aking pangarap

ay magiging isa na lamang panaginip

sapagkat walang kayang makapagsagip

dahil pati ika'y nahahagip.

Pangarap ka na lang ba o magiging katotohanan pa?

parang tila ako ay hindi na aasa

sa mga sandaling tayo ay liligaya

sapagkat panaginip lamang pala ang aking pag-asa

na ikaw at ako, sa habang buhay ay magsasama.

Paalam, aking pangarap....